Юрый Чабатар: мы паступальна нарошчваем свой эканамічны патэнцыял
Аб гэтым заявіў Міністр эканомікі і дэлегат Усебеларускага
народнага сходу Юрый Чабатар у інтэрв'ю праграме "Панарама"
тэлеканала "Беларусь-1" напярэдадні адкрыцця 7-га УНС.
Кіраўнік
эканамічнага ведамства нагадаў, што ў 2023-м эканоміка Беларусі прырастала з
тэмпамі, вышэйшымі за сярэднесусветныя, і аналагічная задача пастаўлена на
бягучы год.
«Мы бачым, што стаўка на паглыбленне супрацоўніцтва з
дружалюбнымі дзяржавамі і краінамі «далёкай дугі» сябе апраўдала. Экспарт
актыўна рос у мінулым годзе. У бягучым ён таксама павялічыўся - у фізічных
аб'ёмах, больш як на 10 працэнтаў. Галоўным следствам стабільных продажаў стаў
рост даходаў насельніцтва ў рэальным выражэнні, гэта значыць, за вылікам
інфляцыі. У 2023-м іх тэмп перавысіў 6%, у 2024-м - ушчыльную наблізіўся да 7%.
Сярэдняя зарплата вырасла яшчэ больш - на 12%.
Яшчэ адно дасягненне - у галіне інвестыцыйнай палітыкі. У
мінулым годзе па інвестыцыях мы прыраслі больш чым на 10%. У 2024-м планка
таксама высокая: трэба рэалізаваць 190 праектаў праграмы "Адзін раён-адзін
праект". Рэгіёны актыўна ўдзельнічаюць у гэтай ініцыятыве. Таму мы
падрыхтавалі праект рашэння аб дапаўненні пераліку 25 новымі праектамі.
Таксама на кантролі рэалізацыя імпартазамяшчальных праектаў
- іх каля 80. Гэта таксама наш рэзерв будучага эканамічнага росту», -
растлумачыў Юрый Чабатар.
Па просьбе журналіста кіраўнік Міністэрства пералічыў
напрамкі, на якіх у будучай пяцігодцы неабходна зрабіць акцэнт.
«Найперш прыярытэтам для нашай адкрытай эканомікі з'яўляецца
экспарт. Больш за 60 працэнтаў прадукцыі прамысловасці і АПК сёння пастаўляецца
на знешнія рынкі. Адпаведна, якасць тавараў і іх продаж застаюцца для нас
галоўнымі задачамі.
Другое - імпартазамяшчэнне. Яно дае магчымасць ствараць
патэнцыял для развіцця нашага прамысловага комплексу. У прынцыпе, з гэтых
праектаў "вырастаюць" будучыя экспартаарыентаваныя прадпрыемствы.
І трэцяе - дабрабыт насельніцтва, павышэнне рэальных
даходаў, якасці аказваемых сацыяльных паслуг», - рэзюмаваў Юрый Чабатар.