Юрый Чабатар: ушаноўваючы пераможцаў, мы матывуем астатніх старанна працаваць на карысць краіны.

Аб гэтым заявіў сёння, 30 красавіка 2024 года, Міністр эканомікі Юрый Чабатар перад пачаткам урачыстай цырымоніі адкрыцця абноўленай Рэспубліканскай дошкі Гонару.

 Указам Кіраўніка дзяржавы №174 ад 24 красавіка 2024г. за дасягненне высокіх вынікаў у сферы сацыяльна-эканамічнага развіцця пераможцамі спаборніцтва за 2023 год прызнаны 64 арганізацыі і рэгіёны.

 У іх ліку 11 адміністрацыйна-тэрытарыяльных адзінак, 11 арганізацый прамысловасці, 9 – сельскай і рыбнай гаспадаркі, 2 – лясной гаспадаркі, 3 – якія ажыццяўляюць дзейнасць у будаўніцтве.

Сярод пераможцаў таксама 28 прадстаўнікоў сферы паслуг: гандлю, аховы здароўя, адукацыі, навукі, транспарта, культуры, сацыяльнага абслугоўвання.

На думку кіраўніка эканамічнага ведамства, сакрэт поспеху пераможцаў спаборніцтва – вытворчасць якаснай, экспартаарыентаванай прадукцыі і паспяховы згуртаваны калектыў.

«У гэтым годзе чвэрць стагоддзя выконваецца традыцыі ўшаноўваць «лепшых з лепшых» на цырымоніі адкрыцця Рэспубліканскай дошкі Гонару, матывуючы іх прыкладам астатніх старанна працаваць на карысць сваёй галіны, рэгіёна і краіны.

Узровень пераможцаў у гэтым годзе высокі, асабліва ў рэальным сектары. У 2023-м вельмі добрае спрацавала прамысловасць, і галіна сёння прадстаўлена 11 удзельнікамі. Сярод пераможцаў ёсць буйныя прадпрыемствы, такія як наш брэнд «Інтэграл», а таксама прадпрыемствы камунальнай формы ўласнасці, прыватны бізнес. І гэта паказчык эфектыўнасці і канкурэнтаздольнасці беларускіх вытворцаў», – падкрэсліў Юрый Чабатар.

На пытанне журналістаў аб ходзе падрыхтоўкі нарматыўных актаў у развіццё Закона «Аб змяненні заканадаўства па пытаннях ажыццяўлення прадпрымальніцкай дзейнасці», Міністр адзначыў, што вядзецца актыўная работа над праектамі пералікаў дазволеных відаў дзейнасці для ІП і самазанятых.

«Важна адзначыць, што сярод занесеных на Рэспубліканскую дошку Гонару прадпрыемстваў ёсць тыя, хто пачынаў як малыя арганізацыі, індывідуальныя прадпрымальнікі. На іх прыкладзе мы бачым, што з невялікага бізнэсу паспяхова вырастае буйны.