Юрый Чабатар: Закон накіраваны на стварэнне механізмаў для развіцця і маштабавання бізнесу
Аб гэтым заявіў Міністр эканомікі Юрый Чабатар у перадачы «Экономическая среда» тэлеканала «Беларусь–1»
Кіраўнік эканамічнага ведамства нагадаў, што мэта рэформы прадпрымальніцкай дзейнасці – дапамагчы бізнесу, які мае неабходны патэнцыял для росту і развіцця, павялічыць аб'ёмы вытворчасці, гандлю, свае даходы і, адпаведна, свой уклад у эканоміку краіны.
Для гэтага Законам уводзіцца шэраг навэл, галоўная з якіх – магчымасць хуткага пераходу ў статус юрыдычнай асобы з захаваннем усіх правоў, абавязацельстваў і напрацаванага пакета дакументаў.
Міністр эканомікі таксама адзначыў, што ў адпаведнасці з абноўленым заканадаўствам па пытаннях прадпрымальніцкай дзейнасці ўкараняюцца тры новыя механізмы фінансавай падтрымкі.
«Першы – даручальніцтва па пазыковых сродках, якія малыя і сярэднія прадпрыемствы будуць браць на развіццё свайго бізнесу. Бо шмат у каго гэта будуць стартапы, то зразумела, што будзе не так проста знайсці даступнае фінансаванне. Такія даручальніцтвы будзе выдаваць Беларускі фонд фінансавай падтрымкі прадпрымальнікаў.
Другі – гранты, бязвыплатныя сродкі на адкрыццё або маштабаванне свайго бізнесу ад мясцовых органаў кіравання.
І трэці – пашырэнне доступу да дзяржпадтрымкі: да малых прадпрыемстваў дадаюцца яшчэ сярэднія. Таму колькасць суб'ектаў-атрымальнікаў падтрымкі істотна ўзрасце», – растлумачыў Юрый Чабатар.
На думку кіраўніка Міністэрства, не менш важная задача – стварэнне роўных канкурэнтных умоў для розных арганізацыйна-прававых форм бізнесу. У якасці аднаго з інструментаў выступаюць пералікі дазволеных відаў дзейнасці для ІП, рамеснікаў і самазанятых, якія 15 мая 2024 г. апублікаваны для грамадскага абмеркавання на Прававым форуме Беларусі.
«Для прадпрымальнікаў, чый від дзейнасці будзе ўключаны ў пералікі, нічога не мяняецца. У астатніх ёсць варыянты: маштабавацца ў юрыдычную асобу, стаць рамеснікам, перайсці ў «самазанятыя» і гэтак далей. Прыняць рашэнне неабходна да 1 студзеня 2026г.
Сёння мы бачым, што шмат прадпрымальнікаў ужо пайшлі па шляху перарэгістрацыі. Павялічваецца колькасць новых юрыдычных асоб –гэта, як раз тыя арганізацыі, у якіх ёсць магчымасць нарошчваць сваю прысутнасць на рынку.
Мы часта сустракаемся з уласнікамі прадпрыемстваў у рэгіёнах, якія ўдзельнічаюць у ініцыятыве «Адзін раён-адзін праект». Многія з іх пачыналі як індывідуальныя прадпрымальнікі. Гандлюючы вызначанай прадукцыяй, яны паступова вывучылі попыт, кан'юнктуру і дашлі да высновы, што схаднейшае самім яе вырабляць. Гэта добры прыклад для тых бізнесменаў, якія шукаюць сёння магчымасці для развіцця», – рэзюмаваў Юрый Чабатар.