Лічбы і факты: кіраўнікі прадпрыемстваў прагназуюць далейшы рост аб'ёмаў вытворчасці
26/06
Аб гэтым сведчаць вынікі праведзенага НДЭІ Мінэканомікі ў чэрвені кан'юнктурнага апытання кіраўнікоў буйных прамысловых прадпрыемстваў.
Дырэктары адзначаюць павелічэнне попыту і цэн на сваю прадукцыю, рост аб'ёмаў выпуску, у тым ліку за кошт паставак за мяжу, захаванне высокага каэфіцыента загрузкі вытворчых магутнасцей.
Больш за трэць апытаных паведаміла аб скарачэнні запасаў гатовай прадукцыі і павелічэнні прыбытку.
Сярэдні перыяд забяспечанасці прадпрыемстваў заказамі стабільны – 3,3 месяца працы.
Прагнозныя адзнакі асноўных паказчыкаў застаюцца пазітыўнымі. У кароткатэрміновай перспектыве менеджмент плануе рост аб'ёмаў вытворчасці, павелічэнне попыту на сваю прадукцыю і выручкі, захаванне бягучага ўзроўню занятасці.