Лічбы і факты: кіраўнікі прампрадпрыемстваў чакаюць павелічэння аб'ёмаў вытворчасці і росту прыбытку

 Пра гэта сведчаць вынікі кан'юнктурнага апытання дырэктараў прамысловых прадпрыемстваў, праведзенага НДЭІ Мінэканомікі ў сакавіку.

Аб росце аб'ёмаў вытворчасці паведаміў 41 % удзельнікаў апытання. Захаванне ранейшага ўзроўню выпуску канстатавалі 39 % рэспандэнтаў.

Трэць апытаных кіраўнікоў адзначылі павелічэнне попыту на прадукцыю.

Аб захаванні нязменнага цэнавага ўзроўню паведамілі 84% рэспандэнтаў. Большасць апытаных (91 %) канстатавалі захаванне або рост колькасці работнікаў.

Каэфіцыент загрузкі вытворчых магутнасцей у сярэднім па прамысловасці ў сакавіку вырас да 69%. Сярэдні перыяд забяспечанасці прадпрыемстваў складае 3,3 месяцы.


У кароткатэрміновай перспектыве 92 % рэспандэнтаў
прагназуюць рост або захаванне аб'ёмаў выпуску прадукцыі, 36 % чакаюць
павелічэння попыту на прадукцыю. Таксама амаль трэць кіраўнікоў разлічваюць,
што прыбытак на прадпрыемствах узрасце.