Руслан Невяровіч: пададзена каля 200 заявак на ўдзел у конкурсе «Перспектыўныя беларускія брэнды»
Аб гэтым расказаў сёння намеснік дырэктара Дэпартамента па прадпрымальніцтве Руслан Невяровіч у інтэрв'ю Першаму каналу Беларускага радыё.
Прадстаўнік Мінэканомікі ў гутарцы з журналістам нагадаў аб патрабаваннях, якія прад'яўляюцца да ўдзельнікаў конкурсу.
Конкурс праводзіцца па 9 намінацыях:
"Харчовыя тавары, фермерская прадукцыя";
"Нехарчовыя спажывецкія тавары";
"Інфармацыйныя тэхналогіі";
"Высокія тэхналогіі ў прамысловасці";
"Стварэнне аб'ектаў інтэлектуальнай уласнасці";
"Тавары і паслугі ў сферы аховы здароўя, спорту і турызму";
"Прадукцыя нацыянальных традыцый";
"Сэрвіс для бізнесу і насельніцтва";
«Тавары і паслугі для дзяцей».
Суб'ект МСП павінен быць рэзідэнтам Рэспублікі Беларусь і развіваць уласны брэнд, удзельнічаць у рэалізацыі сацыяльна-значнага праекта, мець лакалізацыю вытворчасці (калі ажыццяўляе вытворчасць прадукцыі), забяспечваць станоўчы тэмп росту выручкі.
Калі кампанія адпавядае такім патрабаванням, то заяўку на ўдзел у конкурсе можна падаць у аблвыканкам ці Мінскі гарвыканкам. Форму заяўкі спампоўвайце на сайтах Мінэканомікі ці Беларускага фонду фінансавай падтрымкі прадпрымальнікаў.
Таксама Руслан Невяровіч распавёў, што дае перамога ў конкурсе – «меры падтрымкі ад партнёраў».
«Па-першае, дапамога ў прасоўванні брэнда ў гандлёвых сетках і на маркетплейсах, інфармацыйную падтрымку ў СМІ, доступ да ўдзелу ў розных навучальных мерапрыемствах.
Па-другое, фінансаванне на выгадных умовах пераможцам прапануе БФФПП. Размова ідзе аб магчымасці атрымання на працягу трох гадоў пасля правядзення конкурсу сродкаў па дагаворах пазыкі і лізінгу ўсяго толькі пад палову стаўкі рэфінансавання Нацбанка.
Мы спадзяемся, што для пераможцаў удзел у конкурсе стане новым этапам у развіцці іх бізнэсу», – адзначыў намеснік дырэктара Дэпартамента па прадпрымальніцтве.
Запрашаем самых актыўных прадстаўнікоў малога і сярэдняга бізнесу ўзяць удзел у конкурсе. А для тых, хто ўжо прыняў гэтае рашэнне - жадаем перамогі!
Па пытаннях правядзення конкурсу таксама можна атрымаць кансультацыі па кароткім нумары 244 для абанентаў мабільнай сувязі.