Таццяна Бранцэвіч: дзяржпраграмы садзейнічаюць павышэнню канкурэнтаздольнасці рэгіёнаў

Аб гэтым заявіла сёння намеснік Міністра эканомікі Таццяна Бранцэвіч на пасяджэнні пастаяннай міжведамаснай камісіі па дзяржаўных праграмах. Удзел у мерапрыемстве прынялі прадстаўнікі ДМК, Мінабароны, Мінспорту і турызму, аблвыканкамаў і Мінгарвыканкама.

На пасяджэнні разглядаліся справаздачы аб рэалізацыі ў 2021-2023 гадах дзяржпраграм «Інфраструктура пунктаў пропуску на Дзяржаўнай граніцы Рэспублікі Беларусь», «Уладкаванне ваенных гарадкоў», «Увекавечанне памяці аб загінуўшых пры абароне Айчыны», «Беларусь гасцінная», «Малое і сярэдняе прадпрымальніцтва».

На думку намесніка кіраўніка эканамічнага ведамства, рэалізацыя дзяржпраграм садзейнічае павышэнню канкурэнтаздольнасці рэгіёнаў.

«Выдзеленыя сродкі накіроўваліся на стварэнне аб'ектаў турыстычнай індустрыі, падтрымку суб'ектаў агратурызму, мадэрнізацыю памежнай інфраструктуры. Такія ўкладанні даюць добры эканамічны эфект і ўмацоўваюць імідж Беларусі як адкрытай і гасціннай краіны.

Многае зроблена для забеспячэння належнага догляду пахаванняў і помнікаў ахвярам Вялікай Айчыннай вайны. Гэта значны ўклад у захаванне гістарычнай памяці беларускага народа», – падкрэсліла Таццяна Бранцэвіч.

Намеснік міністра эканомікі таксама адзначыла, што рэалізацыя мерапрыемстваў дзяржпраграмы «Малае і сярэдняе прадпрымальніцтва» садзейнічае ўзмацненню патэнцыялу айчыннага бізнесу, у тым ліку жаночага прадпрымальніцтва, як адной з ключавых кропак развіцця МСП. Сёння ўзровень уцягнутасці жанчын у сферу прадпрымальніцтва ў нашай краіне складае 36,4%, а годам раней быў 32%.

«Беларускім фондам фінансавай падтрымкі прадпрымальнікаў у 2021-2023 гг. прафінансавана за кошт рэспубліканскага бюджэту і ўласных сродкаў 114 праектаў МСП на суму каля 19 млн рублёў, арганізавана і праведзена больш за 70 кантактна-кааперацыйных біржаў.

Актыўна падтрымліваў малы і сярэдні бізнес Банк развіцця: у рамках дзяржпраграмы за справаздачны перыяд прафінансавана інвестпраектаў на суму больш за 900 млн рублёў.

Важкую падтрымку прадпрымальнікам аказвалі і іншыя банкі. Сумарны аб'ём крэдытавання суб'ектаў МСП Беларусбанкам, Белінвестбанкам і Белаграпрамбанкам за тры гады перавысіў 29 млрд рублёў.