Таццяна Бранцэвіч: профільная дзяржпраграма накіравана на стварэнне новых тэхналогій і прадуктаў і ўкараненне іх у вытворчасць
Аб гэтым заявіла сёння намеснік Міністра эканомікі Таццяна Бранцэвіч падчас пасяджэння пастаяннай міжведамаснай камісіі па дзяржпраграмах.
У мерапрыемстве прынялі ўдзел прадстаўнікі Мінфіна, Мінпрыроды, Мінсувязі, ДКНТ, Дэпартамента па энергаэфектыўнасці Дзяржстандарта, НАН Беларусі.
На пасяджэнні былі разгледжаны актуальныя пытанні рэалізацыі ў 2024 годзе дзяржаўнай праграмы «Навукаёмістыя тэхналогіі і тэхніка» на 2021-2025 гг.
Як адзначыла Таццяна Бранцэвіч, без развіцця навукі немагчыма дасягнуць поспехаў у эканоміцы.
«Менавіта ад навукоўцаў сёння чакаюць прарыўных ідэй і перспектыўных распрацовак, рэалізацыя якіх будзе садзейнічаць стварэнню новых вытворчасцей і галін, павышэнню канкурэнтаздольнасці нашай эканомікі.
Аднак прынцыповым пытаннем тут з'яўляецца аддача ад затрат на навуку. Даследаванні павінны мець прыкладны вынік: тэхналогію, прататып запатрабаванага на рынку айчыннага аналага імпартных тавараў, камплектуючых або зусім новы прадукт.
Такі альянс навукі і рэальнага сектара будзе ўстойлівым і, галоўнае, узаемавыгадным. У дзяржавы ёсць неабходныя рэсурсы і механізмы, каб аказаць падтрымку такой працы, у тым ліку ў рамках профільнай дзяржпраграмы», – падкрэсліла намеснік кіраўніка эканамічнага ведамства.
Па выніках пасяджэння выпрацаваны падыходы па актуалізацыі гэтай праграмы з акцэнтам на павышэнне эфектыўнасці дасягнення навуковых вынікаў.