У Мінэканомікі прайшло памятнае мерапрыемства ў гонар Дня Перамогі
08/05
Сёння работнікі Мінэканомікі правялі памятнае мерапрыемства ў гонар ветэранаў Дзяржплана і ўсіх дзяржаўных эканамістаў, якія аддалі жыцці за нашу свабоду.
На франтах Вялікай Айчыннай ваявалі каля 70 чалавек, якія пасля працавалі ў Дзяржплане, Камітэце па коштах, Міністэрстве эканомікі.
«Акупанты, імкнучыся адабраць у беларускага народа будучыню, разбурылі сотні прадпрыемстваў, нанеслі велізарную эканамічную шкоду, але самыя страшныя і цяжкія страты – гэта чалавечыя жыцці.
Але нашы продкі выдужалі. Абараніўшы свабоду і незалежнасць Беларусі на палях бітваў, яны самаадданай працай аднавілі разбураныя гарады, пабудавалі новую эканоміку з сучаснымі высокатэхналагічнымі прадпрыемствамі.
Мы свята шануем іх стойкасць, мужнасць, гераічную працу, і заўсёды будзем удзячныя за мірнае шчаслівае жыццё на роднай зямлі», – адзначыў падчас памятнага мерапрыемства першы намеснік Міністра эканомікі Андрэй Картун.