Уладзімір Навумовіч: Закон накіраваны на стварэнне роўнага канкурэнтнага асяроддзя для розных форм бізнесу

Аб гэтым заявіў намеснік Міністра эканомікі Уладзімір Навумовіч у інтэрв'ю часопісу «Эканоміка Беларусі».

 Намеснік кіраўніка эканамічнага ведамства ў гутарцы з журналістам нагадаў, чаму ўзнікла неабходнасць перамен ва ўмовах ажыццяўлення прадпрымальніцкай дзейнасці.

«На практыцы ўзнікалі сітуацыі, у якіх пры рэалізацыі аднаго і таго ж віду дзейнасці «самазанятыя», індывідуальныя прадпрымальнікі атрымлівалі супастаўныя з юрыдычнымі асобамі даходы пры істотна адрозных выдатках, адміністрацыйнай і кантрольнай нагрузцы, адказнасці перад спажыўцамі. Гэта не зусім справядліва.

Прапанаваныя змены дазволяць выраўнаваць канкурэнтнае асяроддзе і стымуляваць грамадзян да выбару эфектыўных форм вядзення сваёй справы», – растлумачыў Уладзімір Навумовіч.

Намеснік міністра эканомікі таксама адказаў на пытанне аб падыходах да фарміравання пералікаў дазволеных відаў дзейнасці для ІП, рамеснікаў і «самазанятых».

 «Гэтая праца вялася з 2023 года пры актыўным удзеле органаў-рэгулятараў, выканкамаў, дэпутатаў і вядома ж прадстаўнікоў дзелавой супольнасці. Пытанне шырока і публічна абмяркоўвалася на грамадска-кансультатыўных парадах па развіцці прадпрымальніцтва, дыялогавых пляцоўках у рэгіёнах.

Пры фарміраванні пералікаў кіраваліся новымі падыходамі да прадпрымальніцкай дзейнасці, але пры гэтым імкнуліся ўлічыць інтарэсы ўсіх зацікаўленых – дзяржавы, бізнесу і грамадства. Таму ў пілотныя пералікі для ІП, напрыклад, уключаны рознічны гандаль, паслугі грамадскага харчавання, перавозкі пасажыраў і грузаў, і многае іншае.

У час грамадскага абмеркавання таксама паступіла нямала зваротаў бізнесу, і многія аргументаваныя прапановы былі ўлічаны пры дапрацоўцы пералікаў», – падкрэсліў Уладзімір Навумовіч.