Віктар Вайцяховіч: СЭЗ штогод пацвярджаюць статус драйвераў эканамічнага развіцця краіны

Пра гэта заявіў начальнік аддзела ўпраўлення інфраструктуры развіцця Мінэканомікі Віктар Вайцяховіч у інтэрв'ю праграме «Наше время» тэлеканала «ОНТ».

Прадстаўнік Міністэрства ў гутарцы з журналістам зазначыў, што ў 2023-м узраслі аб'ёмы выплачаных рэзідэнтамі падаткаў, збораў і плацяжоў (на 44%), сярэднямесячнай заработнай платы работнікаў (на 20%), выручкі (на 13%) і вытворчасці прадукцыі (на 10 %). Сумарны чысты прыбытак дасягнуў 2 млрд рублёў. Створана 2,5 тысячы новых працоўных месцаў, чаму садзейнічала рэалізацыя шэрагу значных для рэгіёнаў праектаў у рамках СЭЗ.

«Напрыклад, у Гродне створана інавацыйная вытворчасць шкляной тары, у Віцебску з'явіўся новы завод па вытворчасці ветэрынарных прэпаратаў, у Магілёве пашырана дзейная вытворчасць сродкаў асабістай гігіены, а ў Гомелі – пабудаваны лабараторны корпус у рамках праекта па вытворчасці прыбораў уліку энергарэсурсаў.

Ствараецца неабходны рэзерв для павышэння інвестпрывабнасці пляцовак СЭЗ. Так, у 2023 годзе пабудавана 5 новых электрападстанцый у Брэсце, Фаніпалі, а таксама Мінскім, Мазырскім і Свіслацкім раёнах. А з бягучага года пачнецца рэалізацыя яшчэ трох новых энергааб'ектаў у СЭЗ.

Ужо зараз назіраецца актыўная цікавасць з боку айчынных інвестараў у рэалізацыі праектаў на гатовых пляцоўках. У мінулым годзе склад рэзідэнтаў СЭЗ папоўніўся 30 новымі прадпрыемствамі з сумарным аб'ёмам інвестыцый у 175 млн. доляраў і планамі па стварэнні 1,5 тыс. новых працоўных месцаў», – паведаміў Віктар Вайцяховіч.